fbpx

शासन आदेश फाट्यावर : बाजार समितीत भरला ‘कोरोना बाजार’

mi-advt

जळगाव लाईव्ह न्यूज । ५ एप्रिल २०२१ । चेतन वाणी । जिल्ह्यातील कोरोना संसर्ग कमी करण्यासाठी प्रशासन सर्वोतोपरी प्रयत्न करीत आहे. बहुतांश नागरिकांना लॉकडाऊन नको आहे तरीही नागरिक नियमांचे पालन करताना दिसत नाही. शहरातील फळ भाजीपाला मार्केटमध्ये शासनाच्या सर्व नियमांना फाटा देत कोरोनाचा बाजारच भरल्याचे पहावयास मिळाले.

शहरातील बाजारात आणि बाजार समितीमध्ये नेहमी गर्दी होत असते. विक्रेत्यांकडून नियमांचे पालन होत नसताना त्यांच्यावर कारवाई केली तरी पुन्हा तासाभरात तीच स्थिती होते. भाजीपाला बाजारात गर्दी होऊ नये यासाठी जिल्हाधिकारी अभिजित राऊत यांनी विशेष सूचना दिल्या आहेत.

भाजीपाला मार्केटला पहाटे ४ ते सकाळी ९ पर्यंत माल खरेदी-विक्री करणाऱ्यांची मोठी झुंबड उडत असून गर्दीत पाय ठेवायला जागा नसते. एकीकडे धार्मिक स्थळात जाण्यास प्रतिबंध केला जातो आणि दुसरीकडे बाजारात हजारोंच्या संख्येने गर्दी होते हा मोठा विरोधाभास आहे. गर्दीत कोरोनाचा एखादा संशयित किंवा संक्रमित रुग्ण फिरत असल्यास तो कितीतरी नागरिकांना बाधित करू शकतो याचा विचार कुणीही करत नाही.

पहा व्हिडीओ : 

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज