बाबा महाहंस महाराजला ३५‎ दिवसांनंतर‎ जामीन

बातमी शेअर करा

जळगाव लाईव्ह न्यूज । ९ जानेवारी २०२२ ।‎ आडगाव ग्रामपंचायतीच्या‎ नमुना ८ मध्ये खोटे दस्तऐवज बनवून फसवणूक‎ केल्याप्रकरणी तुरुंगात असलेले‎ येथील बाबा महाहंस‎ महाराजांना अखेर ३५‎ दिवसांच्या तुरूंगवासातून जामीन‎ मिळाला. यानंतर ते आश्रमात परतले आहेत.‎

श्री क्षेत्र मनु देवी मंदिराच्या‎ जागेची आडगाव ग्रामपंचायतीच्या‎ नमुना ८ मध्ये खोटे प्रतिज्ञापत्र सादर‎ करून नोंद करणे, नंतर त्या‎ उताऱ्यावर चॅरिटेबल ट्रस्ट उघडून‎ फसवणूक केल्याप्रकरणी सातपुडा‎ निवासिनी मनु देवी सेवा प्रतिष्ठानचे‎ अध्यक्ष शांताराम पाटील यांनी‎ दिलेल्या फिर्यादीवरून २ डिसेंबरला‎ आडगावचे ग्रामपंचायत सदस्य‎ प्रकाश मार्तंड पाटील उर्फ बाबा‎ महाहंस महाराजांविरुद्ध गुन्हा‎ दाखल झाला होता. त्यांना ३ डिसेंबर‎ २०२१ रोजी यावल न्यायालयाच्या‎ आवारातून ताब्यात घेण्यात आले‎ होते. या गुन्ह्यात महाराजांना प्रथम ५‎ दिवसांची पोलिस कोठडी मिळाली‎ होती. नंतर ते न्यायालयीन कोठडीत‎ भुसावळच्या दुय्यम कारागृहात होते.‎ शुक्रवारी त्यांना भुसावळ येथील‎ अतिरिक्त जिल्हा व सत्र‎ न्यायालयातून जामीन मिळाला. ते‎ आश्रमात परतले आहेत.‎

हे देखील वाचा :

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज

- Advertisement -