पातखेडे नजीक गँस टँकर व मालवाहू आयशरची समोरासमोर धडक ; तीन जण जखमी

जळगाव लाईव्ह न्यूज । २७ एप्रिल २०२१ । इन्डेन गँस टँकर व मालवाहू आयशर ट्रक या परस्पर विरूद्ध दिशेने जाणारी दोन्ही वाहने समोरासमोर धडकल्याने दोन्ही वाहनांच्या चालकांसह एक क्लिनर जखमी झाल्याची घटना आज मंगळवारी सायंकाळी ५ वाजेला सुमारास पातरखेडे गावानजीक घडली. 

जेजी- ०६ एएक्स ७६०० या क्रमांकाचा इन्डेन गँस टँकर पारोळ्याकडून येऊन जळगावच्या दिशेने जात होता तर जेजी- ०९ झेड ०७०१ या क्रमांकाचा रिकामा ट्रक पारोळ्याच्या दिशेने जात होता. या दोन्ही वाहनांची आमने-सामने टक्कर होऊन तीन जण जखमी झाली आहेत. घटनेचे वृत्त समजताच पोलीस निरीक्षक ज्ञानेश्वर जाधव,सहायक पोलिस निरीक्षक तुषार देवरे,संदीप सातपुते,राजेश पाटील,अकील मुजावर, अमीत तडवी, संतोष चौधरी, विलास पाटील हे घटनास्थळी दाखल झाले व जखमींना जळगावला हलविण्यासाठी मदतकार्य करण्यात आले. ट्रकचालक गंभीर जखमी झाला असुन त्याची प्रकृती चिंताजनक असल्याचे सांगण्यात आले. तिघेही जखमी परप्रांतीय असुन त्यांची नावे व पत्ते याबाबत माहीती मिळू शकली नाही. 

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज