शर्टाचे बटण थेट श्वासनलिकेत‎ अडकले, डॉक्टरांनी वाचवला बालिकेचा जीव

बातमी शेअर करा

‎जळगाव लाईव्ह न्यूज । १९ डिसेंबर २०२१ । दोन वर्षीय बालिकेने  खेळताना शर्टाचे बटण थेट नाकात ‎‎घातले. हे बटन श्वासनलिकेत‎ अडकून तिचा जीव गुदमरू‎ लागला.हा प्रकार कुटुंबीयांच्या‎ लक्षात येताच त्यांनी तिला यावल‎ ग्रामीण रुग्णालयात आणले.तेथे ‎डॉक्टरांनी तत्परता दाखवत‎ अडकलेले शर्टाचे बटण तत्परतेने‎ काढून प्राण वाचवले. शनिवारी‎ दुपारची ही घटना असून जीवदान ‎मिळालेल्या बालिकेचे नाव अनिता ‎लालसिंग बारेला आहे.‎

यावल तालुक्यातील सातपुड्याच्या ‎पायथ्याशी असलेल्या हरिपुरा‎ जवळील धरण वस्तीवर लालसिंग ‎बारेला हे कुटुंबीयांसह राहतात.‎ शनिवारी दुपारी त्यांची दोन वर्षीय ‎‎बालिका अनिता ही घरात खेळत‎ होती. यावेळी तिच्या हातात शर्टाचे‎ बटण आले. हे बटण आपल्या‎ नाकात घातले. मात्र, ते पुढे खोलवर‎ शिरून श्वास नलिकेत अडकल्याने‎ तिला त्रास सुरू झाला. हा प्रकार‎ कुटुंबीयांच्या लक्षात येताच त्यांनी‎ घरीच बटण काढण्याचा प्रयत्न‎ केला. पण, त्यात अडकलेले बटण‎ अजून आतमध्ये जाऊन‎ ‎श्वासनलिकेत अडकल्याने‎ अनिताचा जीव गुदमरू लागला.‎ यामुळे तिला यावल ग्रामीण‎ रुग्णालयात आणले गेले. येथे डॉ.‎ निखिल तायडे, डॉ. इरफान खान,‎ आरोग्यसेविका सुमन राऊत, प्रवीण‎ बारी यांनी तिच्या श्वासनलिकेत‎ ‎अडकलेले बटण बाहेर काढले.‎ यामुळे बालिकेने सुटकेचा श्वास‎ घेतला. अनिताला वेळीच‎ रुग्णालयात आणले नसते तर तिच्या‎ जिवावर बेतले असते. मात्र‎ डॉक्टरांनी केलेले प्रयत्न यशस्वी‎ ठरून जीवदान मिळाले.‎


कौशल्य वापरून काढले बटण ‎ 

अनिताच्या नाकात अडकलेले शर्टाचे बटण हे खूपच चिकन होते. ते ‎ काढताना चिमट्याची पकड देखील बसत नव्हती. त्यामुळे बारीक ‎ आकाराचे चिमटे वापरताना बालिकेले हालचाल करू नये व सोबतच तिला ‎ त्रास होऊ नये याची काळजी डॉक्टरांनी घेतले. वैद्यकीय कौशल्य वापरून ‎ नाजूक भागात अडकलेले बटण दोन्ही डॉक्टरांनी अलगद बाहेर काढले. ‎

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज

- Advertisement -