जळगाव लाईव्ह न्यूज । ६ डिसेंबर २०२१ । शिरसोली येथे एका प्रौढ व्यक्तीने नैराश्याच्या मनस्थितीत राहत्या घरात गळफास घेऊन आत्महत्या केल्याची घटना ५ रोजी घडली. याप्रकरणी एम.आय.डी.सी पोलीसात अकस्मात मृत्यूची नोंद करण्यात आली आहे.
सविस्तर असे की, शिरसोली प्र.ब.येथील रहिवाशी रघुनाथ रामदास अस्वार ( वय ४२ ) यांनी काल दुपारी सव्वा चार वाजेच्या सुमारास घरातील छताच्या हुकाला पांढऱ्या रुमालाने गळफास घेऊन आत्महत्या केली. शिरसोली प्र.बो.चे पोलीस पाटील शरद पाटील आणि शिरसोली प्र.न.चे पोलीस पाटील श्रीकृष्ण बारी यांनी त्यांना खाली उतरवून शासकीय वैद्यकीय महाविद्यालय रुग्णालयात दाखल केले आणि पोलिसांना माहिती दिली . शासकीय वैद्यकीय महाविद्यालय रुग्णालयात सीएमओ डॉ.अजय सोनवणे यांनी त्यांना मृत घोषित केले. एम.आय.डी.सी पोलीस ठाण्यात अकस्मात मृत्यूची नोंद करण्यात आली आहे. त्यांच्या पश्चात आई, पत्नी, १ मुलगा, १ मुलगी, २ भाऊ असा परिवार आहे.