पाचोरा व भडगाव तालुक्यातील रस्ते व पुलांच्या बांधकामांसाठी २८ कोटीचा निधी मंजूर

- आमदार किशोर पाटील यांच्या प्रयत्नांना पुन्हा यश

जळगाव लाईव्ह न्यूज । १२ मार्च २०२१ । पाचोरा- भडगाव तालुक्यातील ८० किलोमीटरचा रस्त्यांसह १ लहान पुलाच्या कामास सुमारे २८ कोटी रुपयांचा निधी मंजूर झाला असून लवकरच या कामांना सुरुवात होणार आहे. यामुळे दळण वळणाची सोय अधिक जलद होणार असून यामुळे मतदारसंघाच्या विकासाला चालना मिळणार असल्याची माहिती आमदार किशोर पाटील यांनी दिली.  

ते आपल्या निवासस्थानी “शिवालय” येथे घेतलेल्या पत्रकार परिषदेत बोलत होते. नुकत्याच संपन्न झालेल्या अर्थसंकल्पीय अधिवेशनात आपण केलेल्या पाठपुराव्यामुळे एवढा निधी खेचून आणण्यात आपल्याला यश आले असून याकामी आपल्याला मुख्यमंत्री उद्धव ठाकरे, उपमुख्यमंत्री तथा अर्थमंत्री अजीत पवार, नगरविकास मंत्री एकनाथराव शिंदे, सार्वजनिक बांधकाम मंत्री अशोक चव्हाण, पालकमंत्री गुलाबराव पाटील यांचे सहकार्य मिळाले असल्याचे त्यांनी पत्रकारांशी बोलताना सांगितले.

यावेळी जिल्हा परिषद सदस्य रावसाहेब पाटील, मुकुंद  बिल्दीकर, तालुका प्रमुख शरद पाटील, शहर प्रमुख किशोर बारावकर, स्वीय सहाय्यक राजेश पाटील, प्रवीण ब्राह्मणे, डॉ. हेमराज पाटील उपस्थित होते. मंजुरी मिळालेल्या कामात प्रामुख्याने पिंप्रीहाट रामा – सावदा – गुढे – वडाळी १२.५ किलोमीटरचा २.७५ कोटी रुपयांचा रस्ता, आर्वे – शिरूड – तरवाडे – पळासखेडे मध्ये लहान पुलांच्या बांधकामासाठी ५० लक्ष रुपये, भडगाव – वाक – पळासखेडा दरम्यान ३ कोटी रुपायांचा १२ किलोमीटर चा रस्ता, वाडे – गोंडगाव – कनाशी – भडगाव दरम्यान सुमारे ३ कोटी ४० लक्ष रुपयांचा ५ किलोमीटरचा रस्ता, नांद्रा – माहेजी (कुरंगी फाटा ते माहेजी गावातील देवी मंदिरा पर्यंतचा रस्ता २ कोटी रुपयांचा रस्ता, नगरदेवळा – नेरी – भामरे दरम्यान १०किलोमीटरचा १ कोटी ६० लाख रुपयांचा रस्ता, लोहारी ते आंबेबडगाव दरम्यान ५ किलोमीटरचा २ कोटी ५० लाखांचा रस्ता, चुंचाळे ते विष्णुनगर दरम्यान ६ किलोमीटरचा सुमारे ३ कोटी रुपायांचा रस्ता, नगरदेवळा ते निपाणे दरम्यान ६ किलोमीटरचा १ कोटी ५० लाख रुपयांचा रस्ता, गाळण ते चिंचखेडा दरम्यान ५ किलोमीटरचा सुमारे २कोटी २५ लाख रुपयांचा रस्ता, वरसाडे ते डोकलखेडा दरम्यान ५  किलोमीटरचा १ कोटी ८०‌ लाख रुपायांचा रस्ता, तर लासगाव ते बांबरुड दरम्यान ५ किलोमीटरचा २ कोटी ५० लाख रुपयांच्या कामांचा समावेश असून लवकरच या कामांना सुरुवात होणार आहे. अशा २८ कोटी रुपयांचा निधी मंजूर झाला असुन लवकरच या कामांना सुरुवात होणार आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज