fbpx

आई शेतात अन् एकुलता एक मुलाने उचललं ‘हे’ टोकाचं पाऊल..

mi-advt

जळगाव लाईव्ह न्यूज । ३१ ऑगस्ट २०२१ । जळगाव जिल्ह्यात तरुणांच्या आत्महत्येचं प्रमाण दिवसेंदिवस वाढत आहे. जळगाव तालुक्यातील वडली येथे एका २१ वर्षीय तरुणाने गळफास घेऊन आत्महत्या केल्याची घटना सोमवारी सायंकाळी उघडकीस आली. नितीन श्यामराव पाटील (वय २१) असे मृताचे नाव असून त्याने आत्महत्या का केली याचे कारण समजू शकले नाही. याप्रकरणी एमआयडीसी पोलिसात अकस्मात मृत्यूची नोंद करण्यात आली आहे.

याबाबत असे कि,  चाळीगाव तालुक्यातील रांजणगाव येथील मुळ रहिवाशी असलेला नितीन, आई छायाबाई व वडील हे वडली येथे मामाच्या गावाला पाच वर्षापासून वास्तव्याला आले होते. गेल्या वर्षीच त्याच्या वडिलांचा मृत्यू झाला होता. सोमवारी आई शेतात गेली होती, दुपारी घरी आली असता हा प्रकार उघडकीस आला.

त्यांनी भाऊ तथा माजी सरपंच पांडूरंग सोनू पवार यांना घटनेची माहिती दिली. नितीन हा कंपनीत कामाला जात होता. दोन बहिणींचा एकुलता भाऊ होता. म्हसावद दूरक्षेत्राच्या पोलिसांनी पंचनामा केला. त्यानंतर मृतदेह जिल्हा रुग्णालयात हलविण्यात आला. याप्रकरणी एमआयडीसी पोलिसात अकस्मात मृत्यूची नोंद करण्यात आली आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज