fbpx

१९ वर्षीय तरुणीची गळफास घेऊन आत्महत्त्या

जळगाव लाईव्ह न्यूज । ३ ऑक्टोबर २०२१ । घरात सर्जन झोपलेले असतांना १९ वर्षीय तरूणीने राहत्या घरात गळफास घेवून आत्महत्या केल्याची घटना यावल शहरातील फालक नगरात घडली. याबाबत यावल पोलीसात अकस्मात मृत्यूची नोंद करण्यात आली आहे.

पुजा भैरवलाला प्रजापती (वय-१९) ही तरूणी आपल्या कुटुंबियांसह यावल शहरातील फालक नगरात वास्तव्यास आहे. पुजा हिने रात्री कुटुंबियांसह जेवण केले व झोपून गेले. दरम्यान, मध्यरात्री घरात सर्वजण झोपलेले असतांना तिने घराच्या छताच्या लोखंडी पाईपाला दोरी बांधून गळफास घेवून आत्महत्या केली. वडील भैरवलाल प्रजापती हे सकाळी ७ वाजता उठल्यावर हा प्रकार उघडकीस आला. याप्रकरणी भैरवलाल प्रजापती यांनी दिलेल्या खबरीवरून यावल पोलीसात अकस्मात मृत्यूची नोंद करण्यात आली असून पुढील तपास पो.कॉ. नेताजी वंजारी करीत आहे. तरूणीने गळफास घेतल्याचे कारण मात्र समजू शकले नाही.

mi advt

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज