fbpx

भरधाव डंपरची कारला धडक ; एक ठार, दोन जखमी

जळगाव लाईव्ह न्यूज । १७ मे २०२१ । भरधाव डंपरने कारला दिलेल्या जोरदार धडकेत एकाचा जागेवरच मृत्यू झाल्याची घटना आज सोमवारी दुपारी जळगाव ते भुसावळदरम्यानच्या राष्ट्रीय महामार्गावरील साकेगावनजीक घडली. तर या अपघातात दोन गंभीर जखमी झाले आहेत.

याबाबत असे की, राष्ट्रीय महामार्गावरील साकेगावनजीकच्या आयुष प्रोकॉन कंपनीच्या समोर आज दुपारी भरधाव डंपरने कार जोरदार धडक दिल्याने भीषण अपघात झाला. यात एमएच१९ सीवाय – २२८० या क्रमांकाच्या भरधाव वेगाने धावणार्‍या डंपरने  एमएच-१८ डब्ल्यू ५७८२ या क्रमांकाच्या मारूती सुझुकी कारला जोरदार धडक दिली. या अपघातात एक जण जागीच ठार झाला असून दोन गंभीर जखमी झाले आहेत. दोन्ही जखमींना तातडीने डॉ. उल्हास पाटील मेडिकल कॉलेजमध्ये दाखल करण्यात आले आहे.

दरम्यान, अपघाताची माहिती मिळताच साकेगावसह परिसरातून आयुष प्रोकॉनच्या कर्मचार्‍यांसह ग्रामस्थांनी घटनास्थळी धाव घेऊन अपघातग्रस्तांना रूग्णालयात पोहचवण्यासाठी मदत केली. घटनास्थळी पोलीस दाखल झाले असून पंचनामा करण्यात येत आहे.

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज