जळगाव लाईव्ह न्यूज । १० फेब्रुवारी २०२२ । एका तरुणाने प्रेमभंग झाल्याने व्हॅलेंटाइन वीकमधील ’प्रपोज डे’ला तरुणीसमोरच आपल्या हाताची नस कापून घेतल्याची घटना बुधवारी जळगाव शहरातील फुले मार्केटमध्ये घडली. तिच्याकडे पाहत असतानाच त्याने नस कापल्यामुळे तरुणी देखील भांबावली. हा प्रकार लक्षात येताच काही लोकांनी रक्तबंबाळ अवस्थेत तरुणास जीएमसीत दाखल केल्याने त्याचा जीव वाचला आहे.
काय आहे नेमका प्रकार?
व्हॅलेंटाइन वीक सुरू असताना ‘प्रपोज डे’ला जळगावातील एका तरुणाला तरुणीने नकार कळवला. त्यामुळे नाराज झालेल्या तरुणाने बुधवारी दुपारी २ वाजता शहरातील फुले मार्केटमध्ये ब्लेडने स्वत:च्या हाताची नस कापली. यावेळी ज्या तरुणीवर त्याचे प्रेम होते ती देखील समोर उभी होती. तिच्याकडे पाहात असतानाच त्याने नस कापल्यामुळे या तरुणीला चांगलाच धक्का बसला.
हा प्रकार लक्षात येताच काही लोकांनी रक्तबंबाळ अवस्थेतील तरुणास शासकीय वैद्यकीय महाविद्यालय व रुग्णालयात दाखल केले. प्राथमिक उपचार केल्यानंतर त्याला डिस्चार्ज देण्यात आला. दरम्यान, या घटनेमुळे फुले मार्केट परिसरात चांगलीच खळबळ उडाली होती.
हे देखील वाचा :
- श्रीराम संस्थानतर्फे मुक्ताई पुण्यतिथीनिमित्त कीर्तनासह महाभिषेक
- 10वी पास उमेदवारांसाठी गोल्डन चान्स ! रेल्वेत विनापरीक्षा थेट 3612 जागांसाठी भरती
- वेश्याव्यवसायाबाबत सर्वोच्च न्यायालयाने दिला ऐतिहासिक निकाल
- विद्यार्थ्यांची यंदा होणार सेतू अभ्यासक्रमातून उजळणी
- माळी महासंघाच्या जिल्हाध्यक्षपदी किशोर माळी
जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा
टेलिग्राम । फेसबुक । ट्विटर । इंस्टग्राम ।युट्युब। गुगल न्यूज
